சவூதி அரேபியாவின் கதீஃப் நகரில் நடைபெற்ற ஆசிய இளையோர் தடகள சாம்பியன்ஷிப் (18 வயதுக்குட்பட்டோர்) போட்டியில் இலங்கை வீராங்கனைகள் சிறப்பான சாதனையை பதிவு செய்துள்ளனர்.
பெண்கள் கலப்பு தொடர் ஓட்டப் போட்டியில், இலங்கை அணி 2 நிமிடங்கள் 14.25 வினாடிகளில் போட்டித் தூரத்தை முடித்து வெள்ளிப் பதக்கம் வென்றது. இது இலங்கையின் இளையோர் தடகள வரலாற்றில் புதிய சாதனையாகவும், நாட்டுக்கு பெருமையையும் பெற்றுத் தந்துள்ளது.
இந்தப் போட்டியில்:
தங்கப் பதக்கம் – சீனா (2:11.11)
வெள்ளிப் பதக்கம் – இலங்கை (2:14.25)
வெண்கலப் பதக்கம் – தாய்லாந்து (2:15.00)
நான்கு நாட்கள் நடைபெற்ற இந்தப் போட்டி நேற்று (ஏப்ரல் 18) நிறைவடைந்தது. இதில் இலங்கை 1 தங்கம், 3 வெள்ளி, 4 வெண்கலம் என மொத்தமாக 8 பதக்கங்களை வென்று 9வது இடத்தில் திகழ்ந்தது. இந்த பதக்க எண்ணிக்கை இலங்கைக்கு இச்சாம்பியன்ஷிப் வரலாற்றில் கிடைத்த மிக உயர்ந்த வெற்றியாகும்.
கடந்த 2023ஆம் ஆண்டில் இலங்கை மொத்தம் 4 பதக்கங்கள் மட்டுமே வென்றிருந்த நிலையில், இந்த ஆண்டின் சாதனை குறிப்பிடத்தக்கதொரு முன்னேற்றமாகும்.
பதக்க பட்டியலில்:
முதல் இடம் – சீனா (19 தங்கம், 12 வெள்ளி, 5 வெண்கலம்)
இரண்டாவது இடம் – ஜப்பான் (3 தங்கம், 3 வெள்ளி, 1 வெண்கலம்)
மூன்றாவது இடம் – சவூதி அரேபியா (3 தங்கம், 1 வெள்ளி, 2 வெண்கலம்)
இலங்கை இளையோர் வீரர்களின் இந்த வெற்றியால் நாட்டின் தடகள வரலாற்றில் புதிய அத்தியாயம் எழுதப்பட்டுள்ளது.
